La dudek dua leciono. Anatomio de pronomo
La unua leciono en la kvara sepopo estas plene dediĉita al priparolado de pronomoj. Estas nek novaj vortoj nek aliaj gramatikaĵoj.
Pronomoj
La leciono prezentas la pronoman sistemon de laadano laŭ du alternativaj manieroj. Mi provu inventi la trian, ĉu?
Do, la laadana pronomo havas komponerojn en la sekva ordo:
Persono + Sinteno + [tipo] + [sekso] + [nombro]
Persono
- l- – unua: mi, ni
- n- – dua: vi, ci
- b- – tria: ŝi, li, ĝi
Sinteno
- -e- – neŭtrala
- -a- – amo
- -i- – estimo
- prefiksa lhe- antaŭ la persono + -e- – malŝato
Tipo
- -yóo- – refleksiva: si
- -ye- – nedifina: iu, iuj
Sekso
- -id- – iĉa
- -izh- – ina
Nombro
- -zh – kelkaj: inter du kaj kvin
- -n – multaj: pli ol 5
Nu, la leciono fakte tute ne mencias seksajn sufiksojn, do mi ne certas, ĉu ili estu metitaj post aŭ antaŭ la tipo, se tiu estas uzata samtempe. Marki sekson ĉe nedifinaj kaj refleksivaj pronomoj ne multe sencas ĉiuokaze, kaj mi ne trovis ekzemplojn de tia uzado.