lipu pilin lili

2025-05-28 09:20 +0100

tenpo seli li kama pini. kule sewi li kama nasin ma Juke.

2025-05-15 09:04 +0100

ma tomo Tokonten li kama jo e sitelen kiwen pi jan Lemi. ona li pali e kalama musi wawa li kama sin lon ma tomo ni li moli lon tenpo sike pini luka luka.

2025-05-06 08:45 +0100

tenpo pali li kama sin. taso mi jo e sitelen. telo en kasi en tomo tawa telo li lon sitelen ni. tomo tawa telo la, mi ante e kule ona tawa loje. ni li tan ni: ijo mute li ken sama kule li pona tawa lukin.

2025-05-01 16:35 +0100

mi kama jo e ilo sitelen sin. mi o sitelen lili lon tenpo esun pini.

2025-04-27 12:53 +0100

a. lipu ni la, nanpa sitelen li lili ike. mi pali mute e ilo sitelen lon tenpo pini. ken la, mi o pali sin.

2025-04-25 10:56 +0100

nimi Inli "steep learning curve" la, nasin toki li nasa. linja pi kama sona li ante mute la, jan ken kama sona e ijo lon tenpo lili. taso nimi ni li sama e kama sona suli a.

2025-04-23 10:12 +0100

lipu ni li jo ala e ilo mute a. mi wile pana e ilo pi nasin CGI tawa ni. taso mi jo e tenpo lili. ni li tan ni: mi ante e tomo mi lon tenpo poka.

2025-04-22 09:29 +0100

toki! ni li lipu Kemini lili. tenpo mute la, mi wile ala pali e lipu suli. ken la, mi pali ante e lipu ni.