Kplaner atnaujinau arba biški pakrapštīso
Created: 2025-08-26 Copyright: CC-BY-SA 4.0 Language: sgs
Šėndėin bovau nusėteikės dėrbtė. Ka jau onstėi atsėkieliau, ta sakau jimso ė pataisīso u.arns.lt, ka ruodītom abėdvė abcex bazes konvertounont. Ka jau ton pakošėjau, ta pasėruoda vėsā gerā būtom, ka abcex galietom turietė paprasta `Valid()` kuomanda, katra papruobītom a gal konvertavėms ī galėms... 30min
Tumet jau u.arns.lt pataisiau, bet vės dailėnau ė dailėnau kāp če gražiau atvaizdoutė. Pabonguo vėsā patenkints... 1h
Ė prisėmėniau, ka kplaner ī nugriovės pašta siuntėms, nes ėškieliau sava pašta skrabėkė i kėta vėita. Nu ta greitā radau `.env` parametrus ė pataisiau kāp rēk (galvuojau)... Nȧbpasīkel pruojekts – kažkuokė `cgi` bibliuotekas nȧbie. Naujėno gunicorn – nȧveik, naujėno django (3 → 5), laikau špīgas – nȧveik. Pasīkelo pruojekta pas savėm. Dā kelė pataisīmā ė jau matau īprasta vaizda. Kelam i serva – nȧveik – postgresql par sens... Ojoj... Nȧpasėdoudo, nes ė šēp bova idiejė numėgroutė i atskėras duonbazės, ta sokondo žabtus ė 13 → 17 pamėgrouno. Gana gerā gavuos. Kelam pruojekta – konteinerē dokerė vėins kėta nȧmata – makliavuojam tuoliau... Pamata. Nȧveik pašta siuntėms – nȧ tas puorts. Op, 3-2-1 – pruojekts pakėla, vėsks veik... 3h
4,5h darbėnė nuostuolė, ale dūšiuo ta fainē... -1 gruosos € (palē Beginsa Bilba)
Page counter: 37